Arteleku AUDIOLAB 2003an sortu
zen musikaren eta soinuaren inguruko esperimentazioari laguntza emateko
asmoarekin.
Xabier Erkiziaren eta Arteleku
arte garaikidearen zentroaren zuzendaritzapean, AUDIOLABek zenbait ekintza
antolatu eta garatzen ditu: workshopak, jardunaldiak, kontzertuak, hitzaldiak
eta beste proiektu batzuk.
Sorkuntzaren alorreko ikerketa,
garapena eta proposamen hauen eragina abiapuntutzat hartuta, AUDIOLABek bertako
eta nazioarteko artisten lana erakutsi eta lagundu nahi du.
Halaber, soinuak artearen munduan
eta, oro har, egungo gizarteetan duen rolaren garrantzia nabarmendu nahi du.
AUDIOLAB zenbait proiektu eta
jaialdirekin egin du eta egiten du lan: ERTZ, PLAZA FESTIVAL, 9CDR,
ELEKTRONIKALDIA, ANIMAC, ELECTROGRAPH, [UN]COMMON SOUNDS...
Gainera, Artelekuk duen
MEDIATEKAn aholkularitza lanak burutzen ditu, liburu, disko, DVD eta
soinuarekin zerikusia duten bestelako dokumentuei dagokienez.
